Udalak Zinemaldirako 1.000 sarrera eskainiko dizkie langabetuei

Donostia 2016ren aurrean Espainiako Gobernuaren jarrera salatu du Kultur zinegotzi Miren Azkaratek.

Ane Urrutikoetxea

2015/09/10

Udalak eta Zinemaldiak beste behin zinatu dute akordio hitzarmena. (Argazkia: Ane Urrutikoetxea)

Kultur zinegotzi Miren Azkaratek eta Donostia Zinemaldiko zuzendari Jose Luis Rebordinosek urteroko hitzarmena sinatu dute gaur; hala, beste behin udalak Zinemaldiko 1.000 sarrera banatuko ditu donostiar langabetuen artean. Azkaratek azaldu duenez, hilaren 12tik aurrera pertsona bakoitzak bi sarrera eskatu ahal izango ditu, sail ofizialeko filmetako bat ikusteko. Interesatuek eskaria www.donostia.eus web atariaren bidez egin beharko dute eta, bertan, imprimakia bete. Sarrerak udaletxean jaso ahal izango dira irailaren 15etik 19ra. Rebordinosek gogorarazi du, duela urte batzuk krisia dela eta proposatu ziotela udalari ekimena egiteko: “Zinemaldiak 169.000 pertsona elkartzen ditu 9 egunetan, eta interesagenuen ahalik eta jende gehienera iristea. Hori dela eta, 1.000 sarrera jarri genituen langabetuen eskura, eta ordutik ekimena arrakastatsua izan da”.

Espainiako Gobernuaren jarrera salatu dute

Bestalde, Azkaratek aditzera eman du gaur udal gobernuak mozioa egin duela eta, bertan, Espainiako Gobernuari eskatu diola Estatuko Aurrekontu Orokorretan Donostia 2016 Europako Kultur Hiruburutzarako aurreikusitako aurrekontu-saila handitzeko, hurrengo urtean 4,5 milioi euro emateko. Hala, Azarateren esanetan, udal gobernuak desengainua hartu du Espainiako Gobernuarekin, izan ere, bakarrik 1,5 milioi euroko aurrekontu-saila eskaini diete: “Espainiako Gobernuaren jarrera salatu nahi dugu, izan ere, Europako Kultur Hiriburutzaren alde egin beharrean oso diru gutxi emango du eta, horrek, ez dio erantzuten Espainiako Gobernuak 2016arekin izan beharko lukeen konpromisoari”.