Manifestaziora deitu dute gaur 17:30etan, Bulebarrean.
Kulturaren munduko 67 eragilek sinatu dute manifestua. (Argazkia: Ane Urrutikoetxea)
Asteburu guztian zehar jarduerak antolatu dituzte
Kortxoenea bizirik mantentzeko; goizeko 11:00etan hainbat kultur eragile bildu dira udaletxe aurrean, Kortxoenearen aldeko
manifestua sinatu eta
arratsaldeko manifestaziorako deialdia zabaldu dute.
Manifestua 67 kultur eragileek sinatu dute, eta horietako batzuk hurbildu dira goizeko deialdira; manifestua Musergoko abeslari
Maite Arroitajauregik eta
Beñat Sarasola idazleak irakurri dute. Manifestua kulturaren munduko eragile ezagunek sinatu dute, hala nola, Unai Gaztelumendi bertsolariak, Txan magoak, Anari Alberdi musikariak, Donostiako Piratek, Koldo Izagirre idazleak, Iker Lauroba musikariak, Xabier Montoia idazle eta musikariak, Juanba Berasategi zine zuzendariak, Joseba Tapia musikariak, Ane Txoperena bertsolariak, Ze Esatek, Madeleine eta Willis Drummond taldeetako kideek, Fermin Muguruza musikariak (bihar kontzertua eskainiko du Kortxoenean), eta beste hainbatek.
Kultur eragileen bozeramaileek aldarrikatu dute
inpaktu kultural nabarmena eragin duela Kortxoenean bost urteetan, eta aurreko astean eraikina botatzeko ahaleginak kultur arloko ordezkariak elkartu dituela adierazi dute. Hala, egun batetik bestera gunea desagertarazteko ahaleginaren aurrean kezka azaldu du Sarasolak: “Donostiatik oso aparte ibili ez den edonork daki guztion intereseko espazioak sortzeko bertute ezohikoa izan duela Kortxoeneak, eta horregatik, zinez harritzen gaitu nola den posible Kortxoenea bezalako
proiektu kultural landu, autogestionatu, eta zabal bat enpresa eraikitzaile baten interes hutsengatik suntsitua izatea”.
Arroitajauregik gaineratu du harridura oraindik handiagoa dela
Donostia 2016 proiektuaren bezperan geratu delako: “2016 urtean Donostiak
espektakuluaren kulturaren hiriburu baino zerbait taxuzkoagoa izan nahi badu, ezinbestekoak izango zaizkio Kortxoenea bezalako proiektuak”.
Kultur arloko ordezkariek
eskaera luzatu diote udalari, Kortxoenearen biziraupena bermatzeko, hiriaren kulturaren zati handi bat jokoan dagoela gogoratuz: “Ez da erraza izango gu guztiok beste nonbaiten elkartzea; Kortxoeneako zahar, gazte, txiki, handi, emakume, gizon eta sailkatzen errazak ez diren lagun guztiek antolatzkeo leku bat behar dugu”.
Hona hemen manifestua sinatu duten eragileak:
Anari Alberdi (Musikaria)
Miren Amuriza (Bertsolaria)
Maite Arroitajauregi “Mursego” (Musikaria)
Axier Aspiroz (Bertsolaria)
Jokin Azpiazu Carballo “Okerreko” (Musikaria)
Aitor Azurki (Idazlea)
Klara Badiola (Aktorea)
Marc Balfagón (Musikaria)
Ander Barriuso (Elektrika grabaketak)
Odei Barroso (Bertsolaria)
Giorgio Bassmatti (Musikaria)
Juanba Berasategi (Zinemagilea)
Txerra Bolinaga (Musikaria-RIP, Carrocerias Betoño)
Joseba B. Lenoir (Musikaria)
Donostiako Piratak
Santi Eraso (Kultur kudeatzailea)
Estricalla (Musika taldea)
Fernando Apoa (Musikaria)
Beñat Gaztelumendi (Bertsolaria)
Aiert Goenaga (Kultur eragilea)
Goragaleak (Musika taldea)
Oier Guillan (Idazlea)
Lide Hernando “Liher” (Musikaria)
Roberto Herreros (Musikaria)
Hilkar (Musika taldea)
Humilitate (Musika taldea)
Mikel Iturria (Blogaria)
Itziarren Semeak (Musika taldea)
Amaia Iturriotz (Bertsolaria)
Koldo Izagirre (Idazlea)
Edorta Jimenez (Idazlea)
La Jodedera (Musika taldea)
Ane Labaka (Bertsolaria)
Iker Lauroba (Musikaria)
Lisabö (Musika taldea)
Leire Lopez Ziluaga (Astrako kidea)
Metrokoadroka Kolektiboa (Antzerki taldea)
Madeleine (Musika taldea)
Alaia Martin (Bertsolaria)
Jon Martin (Bertsolaria)
Aitor Mendiluze (Bertsolaria)
Xabier Montoia (Idazlea eta Musikaria)
Fermin Muguruza (Musikaria eta zinemagilea)
Eneko Olasagasti (Zinemagilea)
Markel Ormazabal (Idazlea eta musikaria)
Pelax (Musikaria)
Pelayo y sus malditos (Musika taldea)
Physis Vs Nomos (Musika taldea)
Pord (Musika taldea)
Porrotx (Pailazoa)
Igor Rezola “Dizebi” (Graffitigilea)
The Rodeo Idiot engine (Musika taldea)
Ibon Rodriguez (Musikaria)
Rafa Rueda (Musikaria)
Beñat Sarasola (Idazlea)
Skakeitan (Musika taldea)
Joseba Tapia (Musikaria)
Andoni Tolosa “Morau” (Musikaria)
Txan magoa
Maddi Ane Txoperena (Bertsolaria)
UK Bill (Musika taldea)
Urban 13 kolektiboa
Nacho Vegas (Musikaria)
Willis Drummond (Musika taldea)
Yaw (Musika taldea)
Iban Zaldua (Idazlea)
Ze Esatek! (Musika taldea)
