Badatoz Amara Berriko jaiak!
Danbor hotsen artean piztuko da festa, ostegun arratsaldean.
Egitaraua prest dute, eta jaietan murgiltzeko gogotsu daude amaraberritarrak. Oso gutxi falta da auzoko festak asteko: ostegun arratsaldean piztuko dute txupina, auzoko danborraren danbor hotsen artean. Girotzen hasteko, eta aurreko urteetan pasatako une ederrak gogora ekartzeko, bideo bat osatu dute jai batzordeko kideek.
Ostegunetik igandera ospatuko dituzte jaiak. Festari hasiera emateko danborrada aterako da kalera, eta DJ Kekok musikarekin girotuko du auzoa. Ostiralean DJ Gruvs, Soupkandja reggae taldea eta Rock Kam Broom rock taldea ariko dira. Larunbatean, berriz, Physis Band, The Groove Girls eta Ingo Al Deu_ taldeak. Igandean Liher kantautorea, Mor More eta DJ Puntxen txanda izango da.
