'Paranormalak' filmean parte hartu nahi duzu?
Axel Casas eta Ronquetek figuranteak behar dituzte euren lehen filmerako.
Fantasiazko eta Beldurrezko Zinemaren Astea iristear da. Zinema emanaldiak ez ezik erakusketak eta beste hainbat jarduera ekarriko ditu jaialdiak. Baita filmaketa bat ere. Axel Casas eta Ronquete donostiarrek euren lehen filma grabatuko dute Parte Zaharrean: Paranormalak. Filma egiteko, ordea, herritarren laguntza behar dute. Figurante gisa parte hartzeko prest dauden herritarrek beraiekin harremanetan jar daitezke tomaparanormal@gmail.com helbidean. Filmaketan parte hartzeko informazio guztia jasoko dute bertan.
Zonbi martxa bat filmatzeko behar dituzte figuranteak. Filma komedia bat izango da, misterio ukituarekin. Axel Casas eta Ronquete ezagunak dira Beldurrezko Astean, beti parte hartu izan dutelako film laburren batekin, eta ikuskizun berezirekin batekin – iaz A Fuego Negrorekin batera Monsterchef prestatu zuten-. YouTuben ehunka bideo zabaldu dituzte.
