'Jai Alai blues' dokumentala pantaila handira itzuliko da astebetez
Zinemaldian estreinatu ondoren, Principen aretoan proiektatuko dute astebetez; ostiraleko aurkezpenean lan taldeko zenbait kide izango dira.
Aurtengo Donostia Zinemaldian estreinatu dute Jai Alai Blues, Zinemira sailean. Orain berriz itzuliko da pantaila handira. Ostiraletik aurrera Donostia, Bilbo eta Gasteizko zinematan emango dute. Principe aretoan emango dute, eta ostiraleko aurkezpenean filmaren lan taldea izango da ikusleekin. Beraiek aurkeztuko dute Jai Alairen historia kontatzen duen dokumentala. Gorka Bilbao zuzendaria, Zigor Etxebarria argazki zuzendaria, Hannot Mintegia muntatzaile eta laguntzailea eta Jose Luis Barredo ekoizlea izango dira bertan, Begoña del Teso zinema kritikariarekin batera. Emanaldia 22:00etan izango da.
Dokumentalak kirol eta ohitura euskaldun internazional honen urrezko garaiak gogorarazten dizkigu. Pertsonaia xelebreen bitartez, Jai Alai Blues-ek Florida (AEBak), Mexiko, Kuba, euskal frontoiak eta haien istorioak ekartzen ditu zinemara. Gorka Bilbaok zuzenduta, Audience eta El_Txef_Aren musikarekin.
