EH Bilduk bere kabuz egin du agerraldia.
Isilik ospatu dute Memoriaren eguna Alderdi Ederren. (Argazkia: Agurtzane Altuna)
Memoriaren eguna dela eta, jendetza bildu da eguerdian Alderdi Ederren
biktimen omenezko lore eskaintza egiteko. Udaletxeko alderdi politiko guztiak elkartu dira
Oroimena-memoria eskulturaren aurrean, EH Bildu salbu. Hauek ordu erdi lehenago egin dute euren ekitaldia toki berean.
Manuela Carmena Madrilgo alkatea ere bertan izan da, eta baita beste aurpegi ezagun batzuk ere, Odon Elorza eta Joseba Egibar esaterako.
Hainbat senide eta herritar ere hurbildu dira euren lorea jartzera;
Barbara Dührkop, talde antikapitalistek hildako Enrique Casas-en alarguna horien artean: “Orri ilun asko dituen historia da Euskal Herrikoa, baina memoria eta aitortzatik abiatuta aurrera egin behar da”, esan du.
Eneko Goia alkatearen arabera,
biktima guztien errespetuz ospatzen den eguna da gaurkoa, eta “penatuta eta harrituta” agertu da Bilduren erabakiarekin. Iazko ekitaldi bera errepikatu dutela adierazi du, “txistulari berak, lore eskaintza bera, eta ekitaldi isila, iaz bezala”.
Josu Ruiz, Bilduko zinegotzia, bere lorea uzten. (Argazkia: Agurtzane Altuna)
ren ustez, ordea, Eneko Goiak “bere irakurketa inposatu” nahi izan du, eta ez du lortu agerraldi bateraturik. Hala adierazi du
Amaia Almirall bozeramaileak.
Memoriaren egunerako prestaturiko testuarekin “desadostasunak” dituztela esan du, eta alkateari egotzi dio ardura: Gaurko argazkian “kolore gehiago” izatea litzatekeela egokiena gaineratu du Almirallek, baina horretarako “errelatoa anitza” izan behar dela; “horrela bakarrik ziurta daiteke giza eskubideen urraketarik gabeko etorkizun bat”.
Eskubide eta sufrimendu mota guztien aitortza eskatu du Bilduk.
Iaz ez bezala, aurten
PPk bat egin du Memoriaren eguneko agerraldiarekin. Miren Albistur bozeramailearen arabera, “ETAren biktimak gogoan izateko eguna” da gaurkoa, eta biktima horiek guztiak “demokraziari egindako ekarpena” eskertu du.
Frankismoaren Genozidioaren Biktimen Elkarteko kideek ere gogoan izan dituzte euren senideak
‘Oroimen ezaren eguna’ aldarrikatu du Frankismoaren Biktimen elkarteak. Goikoa jauregiaren aurrealdean frankismoaren biktimen omenezko eskulturaren aurrean bildu dira, Alderdi Ederreko ekitaldia baino ordu erdi beranduago. Lore eskaintzaren ondoren, elkarretaratzea egin dute ‘
Oroimen ezaren eguna‘ zioen pankarta baten atzean.
