Larunbatean hasiko dute disko berriaren aurkezpen bira
U.K. Bill musika taldeak Añorgan egingo du 'Ez nago lo' biraren lehen kontzertua.
U.K. Bill Taldea.
Hamar urteko ibilbidea egin dutela ospatzen ari da U.K. Bill musika taldea, Ez nago lo disko berria prestatzen eman dute aurten. Diskoa otsailean hasi ziren grabatzen, Garaten Estudioan, eta geroztik bi aurrerapen kanta kaleratu dituzte: Irutxuloko Hitzari eskainitako Gure Hitza abestia, eta Ez nigana hurbildu. Gainera, bi bideo klip filmatu dituzte, Gure Hitza eta Ez nago lo abestienak. Emaitzarekin oso gustura daudela adierazi dute, eta taldea momentu on bat igarotzen ari dela: “Proiektu berriak aurrera eramateko ahalmena dugu baina aberats egin gabe… Esan daiteke aberatsak garela baina beste zentzu batetan”.
Abenduaren 1ean kaleratuko dute disko berria, eta jada aurkezpen biraren lehen datak iragarri dituzte. Larunbatean emango dute lehen kontzertua, Añorgako zinean, auzoko gazte asanbladaren urtemugaren ospakizunaren harira. Durangoko Azokan ere izango dira, abenduaren 6an. Le Bukowskin abenduaren 11n joko dute, eta Ttan Ttakun irratiaren festan ere izango dira, urtarrilaren 16an.
‘Ez nago lo’ azala.
Azaroak 21 Añorgako zinea.
Abenduak 6 Ahotsenea, Durangoko Azoka.
Abenduak 11 Le Bukowski
Urtarrilak 16 Ttan Ttakun irratiaren festa, Gazteszena.
