Orixe ikastolako 300 ikaslek parte hartu dute euskal kirolen jardueran

Parte Zaharreko Trinitate plazan Lehen Hezkuntzako maila guztietako haurrak bildu dira.

Lide Ferreira

2015/12/03

Ikasle batzuk, lokotsak biltzen. (Argazkia: Lide Ferreira)

Euskararen Eguna goizean goizetik hasi dute Orixe ikastolan. Batzuk kantatzen ibili diren bitartean, beste batzuk eskolako eraikina apaindu dute. Adibidez, txikienek letra bana margotu dute, aurtengo leloa, Euskararen taupadak, osatu arte. Esaldia eskolako jolastokian jarri dute. Arratsaldean, urtero prestatzen dituzten euskal kiroletan hartu dute parte 300 ikasletik gora. Parte Zaharreko Trinitate plazan elkartu, eta adin guztietako haurrak nahastu dituzte, orotara, 15 talde eratuz. Horiek ondorengo joko hauetan ibili dira: boloak, toka, soka saltoa, lokotx bilketa, zaku lasterketa, sagar jokoa eta uztailak, besteak beste. Orixe ikastolako zuzendariak azpimarratu du proba gehienak ez lehiakorrak izaten saiatu direla, “garrantzitsuena parte hartzea eta ondo pasatzea baita”.