Euskarazko meme onenak sarituko ditu Bagera elkarteak
Memelariak lehiaketa jarri du abian; euskarazko meme umoretsuak sortzea da helburua.
“Ez izan memelo, eta izan memelari!”. Bagera Euskaltzaleen Elkarteak Memelariak lehiaketa jarri du martxan. Helburua umorea erabiliz euskarazko memeak sortzea da: “Interneten azken aldian euskara nahiko bizi dabilela esan dezakegu, hala nola, sare sozialetan eta Bagera Elkarteak umorea ardatz hartuta euskarazko memeak sortzea bultzatu nahi du jendartea. Betiko euskal eredu tradizionaletatik haratago euskaraz umorea erabiliz produktu berritzaileak sortu eta erabiltzea”.
Sortu euskarazko memeak eta partekatu Twitter-en #memelariak traolarekin. Bagera elkarteak hiru onenak sarituko ditu. Abenduaren 24a da parte hartzeko azken eguna. 
