Lilatoian %41 igo da izena ematea

5.000 korrikalari izatera irits daitezkeela uste dute antolatzaileek.

Nerea Lizarralde

2016/01/15

Lilatoia, Bulebarrera heltzen. (Argazkia: Eneritz Arrillaga)

27. Lilatoirako zazpi aste falta direnean, jada 2.000 korrikalari baino gehiagok izena eman dute www.kirolprobak.com webgunean. Lilatoiaren antolatzaileek jakinarazi dute aurreko urtearekin alderatuta %41 igo dela izena ematea, eta adierazi du oso pozik dagoela emakumeen erantzunagatik: “Horrela jarraituz gero, 5.000 ra iristeko aukera dago”. Iaz ia 4.000 emakumek parte hartu zuten Lilatoian. Aurtengo helburuetako bat da, Gipuzkoa osoko emakumeak erakartzea Lilatoira, baita Bizkai, Araba eta Nafarroakoak ere etortzea. Hori dela eta, Sportbus-en bitartez autobus zerbitzua antolatu dute.

Lasterketa ordubete aurreratu dute

Martxoaren 6an, igandea, izango da 27. Lilatoia. Gaur bertan ordutegiaren inguruko aldaketa baten berri eman dute. Donostiako Udaleko mugikortasun sailak lasterketaren ordutegia aldatzera behartu die. Hori dela eta, lasterketa goizeko 10:00etan izango da, eta AeroZumbako beroketa 9:30ean. Izena emateko epea otsailaren 25an amaituko da. Sei urte dira IRUTXULOKO HITZAk Hitza taldea sortu zuela. Iaz, Euskaraz parekidetasunerantz leloa hartuta hainbat lagunek egin zuten korrika Hitzaren elastikoarekin.