Txikienak jai giroan murgildu dira jada

Haur Danborradako karguen aurkezpen festa egin dute, Viktoria Eugenian.

Irutxuloko Hitza

2016/01/18

Donostiako eta Europako ereserkiarekin hasi dute festa txikienek. Izan ere, gaur goizean egin dute Haur Danborradako karguen aurkezpen festa, Viktoria Eugenia Antzokian. Zehazki, Hipika E.E. Lantzarien konpainiakoak izango dira Jenerala, Laguntzailea, Easo Ederra, Damak, pertsonaiak eta palafrezainak. Zozketa bidez hala suertatuta. Danbor Nagusiaren kargua, berriz, Aieteko Jesuitinas ikastetxekoa izango da; irteerako hurrenkera kontuan izanik euren txanda baitzen. “Inbidia handia ematen didazue; nik, zoritxarrez, txikitan ez nuen danborradan ateratzeko aukerarik izan. Ongi egin lanak, eta hartu indarra”, esan zien aurreko astean Eneko Goia alkateak txikiei.

Azken bideoak