Autobusak masiboki erabili dira sansebastianetan
Hilaren 19tik 20ra 172.826 bidaia erregistratu ditu Dbus-ek.
Dbus-en zerbitzuak harrera ona izan ohi du hiriko festetan. San Tomas egunean, Aste Nagusian eta San Sebastian egunean erregistratu ohi ditu bidaia kopuru gehien. Sansebastianeratarako zerbitzu bereziak prestatu zituen Dbus-ek, auzoak Erdialdea eta Parte Zaharrarekin lotuz eta gautxorien maiztasuna handituz, eta harrera bikaina izan dute, Dbus-en arabera. Autobusak erruz erabili dira azaldu du: hilaren 19tik 20ra 172.826 bidaia erregistratu dituzte. Iaz 158.389 bidaia kontatu zituzten. Aurten %10 bidaia gehiago egin dituzte herritarrek.
Hiriko linea guztietan hazi da bidaia kopurua, baina gehien erabili zirenak hauek dira: 28 Amara-Ospitaleak (25.345 bidaia), 5 Benta Berri (18.932 bidaia), 13 Altza (23.695 bidaia), 26 Amara Martutene (9.494 bidaia) eta 14 Bidebieta (7.896).
