Hiztegi-makina bat egingo du Bagerak
Donostia 2016rekin elkarlanean jarriko du abian ostegunean, Tabakalerako Hirikilabsen laborategian.
Euskarriak proiektuaren baitan, hiztegi-makina bat sortzeko erronka ezarri du Bagerak, Donostia 2016rekin elkarlanean. Lanean aritzeko taldea osatu dute jada, eta ostegunean, otsailak 4, egingo dute lehenengo saioa. Otsaila eta martxoan bilduko dira, Tabakalerako Hirikilabsen Kultura Digitala eta Teknologia Laborategian, hiztegiak inprimatuko dituen makina pixkanaka-pixkanaka eratzeko.
Honi buruz hitz egiteko Bagerako Aroa Huarterekin izan da IRUTXULOKO HITZA. Ostiraleko papereko edizioan proiektuaren berri emango dugu, erreportaje baten bidez. 
