'Kortxoenea, irautea sortzea delako' dokumentala salgai dago
Kortxoenea, irautea sortzea delako izenburupean, gaztetxeko kideek eraikinaren historia biltzen duen dokumentala argitaratu dute. Kortxoenea gaztetxearen historia eta autogestioaren inguruko ikus-entzunezkoa da, eta liburuxka batekin batera salduko dute. Sei eurotan dago salgai. Bildutako dirua Kortxoenearen hustea dela-eta sortutako gastu judizialei aurre egitera bideratuko dute. Groseko Marruman, Parte Zaharreko Herria eta Rekalden, Amarako Kaxildan, Egiako Katan, Intxaurrondoko Zulo Zahar-en eta Antiguako Plateron eskura daiteke dokumentala.
