Bruce Springsteenek maiatzaren 17an joko du Donostian
Martxoaren 4an jarriko dituzte sarreral salgai.
The River Tour 2016 biraren barruan Europan emango duen bigarren kontzertua Donostian emango du Bruce Springsteenek. Anoetan joko du, eta martxoaren 4an jarriko dituzte sarrerak salgai, 10:00etan. 65 eurotan eskuratu ahal izango da sarrera merkeena, eta 115 eurotan, garestiena (banaketa gastuak gehitu behar dira). Doctormusic.com, Ticketmaster.es, Fnac.es, Carrefour.es eta Halconviajes.com-en erosi ahal izango dira. Soilik Internet bidez eskuratu daitezke. erosketa bakoitzean gehienez 6 sarrera eros daitezke.
Bira urtarrilaren 16an hasi zuen Pittsburghen (AEBak), eta maiatzean iritsiko da Europara. Maiatzaren 17an izango da Donostian, eta hiru egun lehenago Bartzelonako Campo Noun abestuko du.
Get In produktorak jakitera eman duenez, kontzertuen grabazioak salgai jarriko dituzte, sarean.
Bruce Springsteenek 2012ko ekainean jo zuen azken aldiz Donostian.
