"Eskertzen dugu Egia euskaldun bat izatea"
Egiako Haur txokoak euskaraz bizitzeko konpromisoa hartu zuen, eta astebeteko txandan bizitakoa azaldu du.
“Espero baino zailagoa da izan da aste honetako esperientzia”, aitortu du Egiako Haur txokoaren izenean txanda egin duen kideak: “Uste nuen gure egunerokoarekin jarraitzea izango zela, baina zailtasunak izan ditut, lagunekin bereziki”. Azaldu du orain arte gaztelerazko harremana izan duen horiekin zaila izan dela euskarara aldatzea: “Euskaldunak direnekin saiatu naiz gure elkarrizketak euskara hutsean izatea, baina kostatu zait”.
Oso baikortzat jo du lanean izan duen esperientzia bat. Guraso bilera izan zuen, pentsatzen zuen gazteleraz egin beharko zutela. Eta ustekabe ederra izan zuen: “Denak euskaldunak ziren, bat izan ezik. Esan zigun euskaraz ulertzen zuela, eta galderak gazteleraz egiteko aukera baldin bazuen, ez zuela arazorik. Negarrez bukatu genuen lankideak eta biok, hau ez delako horrela izaten. Eta…Eskertzen dugu Egia euskaldun bat edukitzea”.
