Salsa ikastaroa egingo dute Txantxarreka gaztetxean
Larunbat arratsaldero eskola irekiak emango dituzte.
“Ahaztu YouTube. Ahaztu tutorialak eta manualak. Utzi ordenagailua dedio, atera kalera eta ikasi gauzak fundamentuz egiten”. Txantxarreka gaztetxeak larunbat arratsaldero salsa ikastarora joatera animatu nahi du jendea: “Irakasle eta guzti, bikotea gerritik helduta, eta pausoak eman behar diren bezala ematen”.
Euskal dantza ikastaroa egin zuten lehendabizi, eta oraingoan salsa ikasteko momentua dela esan dute: “Ziur askotan entzun duzula dantza mota hau, eta, agian, parrandaren batean halako mugimendu nahasketa batekin salsa antzeko zerbait dantzatzen ibili zarela”. Txantxarreka “dantza arazoak” konpontzera dator! Larunbat arratsaldero elkartuko dira gaztetxean, 17:00etan. 
