Ibaetako jaiek haur zein helduentzako jarduerak eskainiko dituzte

Martxoaren lehenaren etorrerarekin, Aingeru Zaindariaren erromeria egingo dute gaur, asteartea, egun osoan zehar.

Lide Ferreira

2016/03/01

Aingeru Zaindariaren erromerian auzotar ugari batzen dira urtero. (Argazkia: Ibaetako jai batzordea)

Abian dira dagoeneko Ibaetako jaiak. Asteburu honetan, baina, jarduera gehienak batu egingo dira auzoan, festa giroan gozatu ahal izateko. Hala, gaur, martxoak 1, Aingeru Zaindariaren Ermitara igo eta bertan egingo dute erromeria. 11:00etako mezaren ostean, salda, trikitixa, herri jolasak eta bertsolariak izango dituzte aukeran Ibaetakoek. Asteburuari begira, ostiralean gazte zein helduek ongi pasatzeko parada izango dute. Izan ere, gazteentzako playback dantzaokea antolatu dute, 18:30ean; eta 18 urtetik gorakoentzako danborrada-poteoa egingo dute Ibaetan zehar. Irteera elizaren behekaldetik egingo dute, 21:15ean, baserritar, arrantzale edo zuriz jantzita. Gauean, berriz, gazte taldeen kontzertuak eskainiko dituzte: Arkaiko, La Ska Brass eta Ze Esatek! Larunbatean egun osoko plana izango dute Ibaetan. Haurrentzako, adibidez, Gari, Montxo eta Joselontxok Kolore ikuskizuna egongo da ikusgai, 12:00etatik aurrera; eta, arratsalderako, jolasak antolatu dituzte: lokotx, arrautza eta zinta lasterketa, besteak beste. Aingeru Guardakora igoera 17:00etan egingo dute; lasterketan parte hartzen dutenek 6 kilometro eta 180 metro egin beharko dituzte. Jolasetan zein krosean IRUTXULOKO HITZAk hainbat opari banatuko ditu, tartean, urtebeteko bi harpidetza eta materiala.

Egan musika taldeko Saldiasen agurra

Egan musika taldearen lehenengo emanaldia iritsiko da 19:30ean, eta horrela emango dio hasiera Agur bira mundialari. Hain justu, taldeko abeslari Xabier Saldiasek erretiroa hartuko du aurten, eta agur esateko bira bat jarriko dute abian larunbatean. Horren harira, IRUTXULOKO HITZA Saldiasekin egon da, eta papereko edizioan egongo da irakurgai elkarrizketa. Musikak, baina, ez du etenik izango, eta larunbat gauean ere hiru kontzertu eskainiko dituzte, 23:30etik aurrera: Ezustean, Burun Danga eta Rock Kam Broom. Ondoren, helduei zuzendutako ohiko zinta lasterketa egingo dute. Igandean lehiaketa eta txapelketak izango dira nagusi: toka eta bote txapelketa (10:30), haurrentzako marrazki lehiaketa (11:00), patata tortila lehiaketa (12:30) eta mus txapelketa (17:00). Herri kirolen jaialdia ere egingo dute, 17:30ean, aizkolari eta harrijasotzaileekin batera. Eguna amaitzeko, Egan musika taldeak bigarren emanaldi bat eskainiko du, 18:30ean. Jaiak astelehenarekin amaituko dira. Umeen eguna dela eta, atrakzioak prezio erdian egongo dira. Gainera, Donosti Rollerren laguntzarkein, Rollers jaialdia egingo dute. Azkenik, txokolatadarekin berotu eta indarrak hartuko dituzte. IBAETAKO JAIAK 2016 Martxoak 1, asteartea. Aingeru Zaindariaren Ermitan.

11:00: Meza.
12:00: Salda, trikitixa (Juanjo Estanga eta Amelia Mangas) eta Gorriti show herri jolasak.
12:45: Sebastian Lizaso, Andoni Egaña eta Gaztelumendi anaien (Unai eta Beñat) bertsolarien lehenengo saioa.
17:00: Gorriti show herri jolasak.
18:30: Sebastian Lizaso, Andoni Egaña eta Gaztelumendi anaien (Unai eta Beñat) bertsolarien bigarren saioa.
19:00: Txikitixa (Juanjo Estanga eta Amelia Mangas).

Martxoak 3, osteguna. Afaria, txerrikumea burduntzi eran, Aratz Erretegian. Martxoak 4, ostirala. Aitor Zabaleta plazan edo Lau Tximeneta frontoian (eguraldiaren arabera).

17:30: ORIA txaranga eta buruhaundiak.
18:00: Txokolatada.
18:30: Gazteentzako playback dantzaokea.
21:15: Danborrada-poteoa auzoan zehar (18 urtetik gorakoentzat). Irteera Elizaren behekaldetik. Jantziak: arrantzale, baserritarra, eta jantzi zuria. (Aldez aurretik entsaio bat, martxoaren 2an, asteazkenean, 20:15ean, Elizaren behekaldean).
22:30: Gazte taldeen kontzertuak: ARKAIKO, LA SKA BRASS eta ZE ESATEK! Lautximeneta frontoian.

Martxoak 5, larunbata. Aitor Zabaleta plazan edo Lau Tximeneta frontoian (eguraldiaren arabera).

12:00: Haurrentzat ikuskizuna: GARI, MONTXO ETA JOSELONTXOk Kolore ikuskizuna aurkeztuko dute dute (Lautximeneta frontoian).
13.15: IBAETAKO DANTZA. (Lautximeneta plazan –frontoi ondoan-).
16:30: Haurrentzako jolasak: Iokotxa lasterketa, arraultza lasterketa, zinta lasterketa (ezinbestekoa da bizikleta ekartzea) eta abar.
17:00: Krosa: Aingeru Guardakora igoera. Izen-ematea: Aitor Zabaleta plazako oholtzan.
18:00: ORIA txaranga eta buruhandiak.
18:30: Txokolatada.
19:30: Sardina jatea (TXOKITO tabernan).
19:30: EGAN taldearen emanaldia. AGUR-BIRA MUNDIALAREN hasiera (Lautximeneta frontoian).
21.00: Poteo-herrikoia ELEKTRO-TXARANGArekin (Lautximeneta plazatik).
23:30: Musika taldeen emanaldiak: EZUSTEAN, BURUN DANGA eta ROCK KAM BROOM!!! (Lautximeneta frontoian).
01:30: Koxkortuentzako (18 urte eta askoz gehiago bete dituztentzat) zinta lasterketa. Ezinbestekoa da bizikleta eramatea.

Martxoak 6, igandea. Aitor Zabaleta plazan edo Lau Tximeneta frontoian (eguraldiaren arabera).

10:00: Diana eta dultzaineroak.
10:30: Toka eta bote txapelketa (izena emateko epea: 10:15).
11:00: Eskolarteko haur krosa Errotaburun.
11:00: Haurrentzako marrazki lehiaketa Errotaburun.
12:30: Patata tortila lehiaketa (izena emateko epe: 12:15).
12:45: Sagardo dastaketa.
16:30: IBAI IKASTOLAko ABESBATZA, auzoko elizan.
17:00: Mus azkarra txapelketa, ARATZ erretegian.
17:30: Herri kirolen jaialdia: Ugaitz Mugerza eta Jesus Mari Mujika aizkolariak, Inaxio Perurena harri jasotzailea, eta Ernesto Ezpeleta Bihurri.
18:30: EGAN taldearen azken emanaldia Ibaetako Jaietan -2016ean agur esango die musika eszenatokiei. Lautximeneta frontoian.

Martxoak 7, astelehena.

17:00: Umeen eguna (feriak prezio erdian).
17:30: ROLLERS jaialdia. DONOSTIROLLERSen laguntzaz (5 urtetik aurrera). Ume bakoitzak beharrezko ekipamendua eraman beharko du: kaskoa, patinak, belaunak babestekoak, eta abar.
18:45: Txokolatada.