Siriara bidaltzeko ume-eramaileak biltzen ari dira
Donostiako ama talde baten ekimenez abian jarri dute kanpaina bat.
Hiriko ama talde batek kanpaina bat abian jarri du, Kabi Etxeekin elkarlanean. Helburua ahalik eta ume-eramaile gehien biltzea da; ondoren, Siriara bidali ahal izateko. Hala, errefuxiatu zein bertan bizi direnei elkartasuna adierazi nahi diete. Martxoan zehar lortzen dituztenak bidaliko dituzte, Madrilgo gobernuz kanpoko erakunde baten bitartez.
Hortaz, lagundu nahi duen edonor Donostian zehar jarri dituzten guneetara hurbildu daiteke. Gainera, ez du zertan ume-eramaile zehatz bat izan behar; motxilek, fularrek eta bestakoek ere balio dute; eta, ahal izanez gero, ergonomikoak izatea.
Kanpaina hirian abiatu den arren, dagoeneko Espainiako 40 hirik ideia hartu eta ume-eramaileak jasotzen hasi dira. Informazio guztia euren Facebook orrialdean ematen ari dira.
UME ERAMAILEAK BILTZEKO GUNEAK
- AMARA Bihotzez Kabi Etxea Tel.: 620 45 04 61 Facebook
- ERDIALDEA Pinpilinpauxa Easo kalea, 81 Astelehenetik larunbatera. Pinpilinpauxapl.com
- EGIA Maria Reina Eskola Ametzagaina kalea, 52 Astelehenetik ostiralera. Mariareinaeskola.com
- INTXAURRONDO Nahieran Kabi Etxea Tel: 656 75 43 38 Facebook
- GROS Strogoff Komunikazioa Ategorrietako galtzada zaharra 12, behea Tel.: 630986610 Astelehenetik ostiralera. Strogoff.es
- GROS Txoriak Txori Kabi Etxea Tel.: 605760086 Facebook
- GROS Ulia Ekodenda Claudio Delgado doktorearen kalea, 1 Ekodendaulia.com
