Ze Premikin! jaialdiak talde sorta ederra ekarriko du Egiara
JP Lohian & Klonen Klana, Zura, Anestesia, Joseba B. Lenoir Gang, Eraso! eta Lie Detectors zuzenean ariko dira Gazteszenan, hilaren 23an.
Egiako Le Bukowski klubak bere urteroko dantza ospatuko du, “erakusleiho soniko sendo bat eta kapritxo hutsa den” Ze Premikin! (Exile on Jareño St.) jaialdia. Bukowskitik metro gutxira egingo dute jaialdia, Gazteszena aretoan.
Bi agertokitan, hiru DJ saio eta zortzi talde izango dira zuzenean, “volt eta watt akelarre honetan”: Anestesia, Zura, Vulk, JP Lohian & Klonen Klana, Joseba B. Lenoir Gang, Lie Detectors, Eraso!, Pelax & The Cowboy’s Orchestra, Telmo Trenor, Crazy Palmera eta Antigua & Barbuda.
Programa:
20:00etan, irekiera. ESZENATOKI TXIKIA. 20:30 ERASO! 22:00 VULK 23:30 JOSEBA B LENOIR GANG 01:00 TELMO TRENOR 03:00 ANTIGUA & BARBUDA ESZENATOKI HANDIA 21:15 ZURA 22:45 LIE DETECTORS 00:15 JP LOHIAN & KLONEN KLANA 01:30 ANESTESIA 03:00 PELAX & THE COWBOYS’ ORCHESTRA 04:30 CRAZY PALMERA Sarrerak salgai daude 15 eurotan.
