Kaleak aldarrikapenez beteko dituzte
Emakumeen Nazioarteko Egunean mobilizaziorako deia egin du mugimendu feministak; Donostian Bulebarretik irtengo da manifestazioa.
Feministok iraultzarako prest! Elkarrekin, askotarikoak eta saretuak lelopean egingo dituzte mobilizazioak gaur martxoaren 8an, Emakumeen Nazioarteko Egunaren harira. “Emakumeak
sarean elkartu gara, altxatu eta aliatu, eta horrela jarraituko dugu. Sareak josi ditugu patriarkatuak gure bizitzetan eta gorputzetan ezartzen duen indarkeriatik libra gaitezen”, azaldu du, manifestu baten bidez, Euskal Herriko mugimendu feministak.
Donostian Bulebarrean elkartuko dira arratsaldean, eta manifestazioa 19:00etan irtengo da.
