Altzako Naturaldia jardueraz josita dator

Ibilaldia, erakusketak eta hitzaldiak antolatu dituzte, apirilerako.

Estitxu Zabala

2016/03/31

Altzako inguru honetan egingo dituzte baratzeak. (Argazkiak: Agurtzane Altuna)

Altza inguruko natura. (Argazkiak: Agurtzane Altuna)

Altzako IV. Naturaldia egingo dute apirilaren 5etik 29ra, talde hauen eskutik: Altzako Historia Mintegi, Gipuzkoako Argazkigintza Elkarteak, Plus 55 zerbitzua, Atari Cultura Arquitectonica eta Donostia Kultura. Naturaldiaren baitan, hainbat jarduera egingo dituzte:

APIRILAK 5-15. Bichos argazki erakusketa. Antonio Valenciak egindako argazkiekin osatutako erakusketa, Tomasene kultur etxean egongo da ikusgai. apirilaren 5ean inauguratuko dute, 19:30ean, eta apirilaren 15era arte egongo da zabalik.
APIRILAK 16. Yugo & Lala haurrentzako filmaren emanaldia. Tomasenen, euskaraz, 17:30ean.
APIRILAK 22. Altzako Natura argazki erakusketa. Argazki rally-an epaimahaikideek erakusketarako aukeratutako argazkiak aurkeztuko dituzte. Sari-banaketa ere bertan egingo dute; Tomasene kultur etxean, 19:00etan. Erakusketa apirilaren 29ra arte egongo da ikusgai.
APIRILAK 27. Arquitectura y Naturaleza hitzaldia, Atari elkartearen eskutik. Tomasene kultur etxean, 19:30ean.
APIRILAK 28. Marcos Sierra ingeniari agronomoaren eskutik, txangoa Altzan barrena: Caminos desde Altza: Planificacion verde de las ciudades. Dialogos entren el mundo rural u el mundo urbano. Casares kultur etxean elkartuko dira, 10:00etan.