Txirrindulari gaztetxoek Loiolako Erribera hartu dute

Donostialdeko alebin eta infantilak lehiatu ziren larunbatean Donostian.

Nerea Lizarralde

2016/04/11

Txirrindulari alebinen podiuma. Ezkerrean, Yago Agirre donostiarra. (Argazkia: Raul Perez)

Donostialdeko Txirrindularitza eskolen lasterketa egin zuten larunbat arratsaldean Loiolako Erriberan. Donosti Berri txirrindularitza eskolak antolatu zuen proba, eta 80 bat parte hartzaile izan ziren. Orain arte Ibaeta inguruan egin izan dute, eta aurten lehen aldiz lehiatu dira Loiolako Erribera eta Zorroaga inguruan. Dena ondo joan zen, eta ez zen erorikorik izan.

Alebinetan lehen donostiarra San Patricio eskolako Yago Agirre izan zen (sailkapenean, bigarrena). Irungo Txingudi ikastolako Adur Tapia eta Oikia Herri Eskolako Maddi Etxabe izan ziren lehen alebinak. Infantil mailan Nagore Lizarraga (Irunes-Optica Bidasoa) eta Asier Pozo (Usurbilgo Buruntzazpi) izan ziren irabazleak. Lehen donostiarra Enekoitz Azparren izan zen (Donosti Berri/Construcciones Victor Alvaro-Silam). Sailkapenean seigarren postuan geratu zen.