Tabakaleran izango da Tindersticks taldearen kontzertua
Music Box programako kontzertua lekuz aldatu dute, larunbaterako eguraldi iragarpena dela eta.
Euria iragarri dute larunbaterako, eta Tindersticks talde britainiarraren emanaldi bermatzeko, larunbatean Miramongo Anfiteatroan iragarritako kontzertua Tabakalerako patio aretora lekualdatu dute.
Kontzertuak doakoa izaten jarraituko du. Ateen irekiera 19:30ean izango da, eta bertaratuko diren lehen 650 lagunek gozatu ahal izango dute kontzertuaz, edukiera bete arte.
Thomal Belhom-ek kontzertua eskainiko du egun honetan, eta iragarrita zegoen Frank talde donostiarraren kontzertua aurrerago egingo da Anfiteatroan, espazio magiko hori berreskuratzeko helburuarekin. Laster iragarriko da data berria.
