Ubarroiak kofradiako kide izan nahi duzu?
Aste Nagusirako programa prestatzen hasiko dira, eta Groseko taldearekin bat egitera dei egin dute.
Groseko Ubarroiak kofradiak Aste Nagusiko programari helduko dio laster. Kofradiarekin bat egin, eta kide izan nahi dutenentzako deialdi irekia zabaldu dute. Apirilaren 29an Groseko auzo elkartean (Nafarroa Behera plaza) elkartuko dira, 19:30ean. Jaietarako ekarpenak ere jaso nahi dituzte lehen bilera honetan. Ubarroiak kofradiarekin harremanetan jar zaitezkete grosekokofradia@gmail.com helbidean .
