Enpresa gehiago eraiki nahi dituzte Añorgako lurretan, eta bizilagunak oso kezkatuak daude.
Eli eta Mikel, Belartza 2 industriagunea hartuko lukeen inguruetan. (Argazkia: Estitxu Zabala)
Donostiako Udalak
Belartza industriagunea handitzeko asmoa duela jakin dute
Añorgako bizilagunek. Belartza 2 da proiektuaren izena, eta gaur egungo belardiak zementoz estaliko lituzkeela diote añorgatarrek. Proiektua gauzatuko balitz, ingurumenean “txikizioa” eragingo lukeela diote, eta, horretaz gain, auzotarrak kaltetuko lituzkeela.
Eli eta Mikel añorgatarrekin egon da IRUTXULOKO HITZA; amorratuta eta minduta topatu ditu, baina helburua oso argi dute, Belartza 2 proiektua geratzea. «Hau izan da añorgatar gehien eta desberdinenak biltzea lortu duen deialdia. Jendea minduta eta haserre dago gauzak gure bizkarrera egin direlako”, azaldu du Mikelek.
Ostiraleko zenbakian gaiaren inguruko erreportaje zabala argitaratuko dugu, xehetasun guztiekin.
Sinadura bilketa
Bizilagunen arabera, ehun urte baino gehiagoko haritzak eta 20 metro luzeko ehundaka zuhaitz botako dituzte proiektuaren baitan, besteak beste. Gainera, egungo baserrietatik 100 metrora, orain basoa dagoen lekuan, pabilioiak eraiki nahi dituztela salatu dute. Hori guztia kontuan izanik, sinadura bilketa bat ere egiten ari dira, change.org-ren bidez, eta 1.000ra iristea jarri dute helburu gisa.
