200 jarduera baino gehiago izango ditu aurtengo jaialdiak, maiatzaren 20tik 22ra.
Aurtengo Olatu Talkaren aurkezpena, Okendo kultur etxearen terrazan. (Argazkia: Estitxu Zabala)
, horixe da zazpigarren
Olatu Talkaren leloa. Zehazki,
maiatzaren 20, 21 eta 22an izango da jaialdia, eta 200 jarduera baino gehiago jasoko ditu. Antolatzaileen esanetan, orain arteko Olatu Talkarik indartsuena izango da, 2016 urtea baita aurtengoa, Donostia Europako Kultur Hiriburu bihurtu den urtea. Azken batean, urtean barrena izaten diren jardueren erakusleihoa bihurtuko dute hiria.
Berritasunei dagokienean, badira bost:
- Big Dance inaugurazio festa (maiatzak 20, 12:30ean, Kursaaleko Terrazan).
- King Arthur musikala (maiatzak 20, 21:00etan, Tabakaleran).
- Puntu kritikoa: Iztueta zientzia gunea (maiatzak 21, egun osoan, Egiako epaitegiaren inguruan).
- Hizkuntzen Gunea (maiatzak 21, egun osoan, Katalunia plazan).
- Kontzertour formatu txikiko kontzertuak (hiru egunetan, hiriko hainbat tokitan).
Antolaketarako Brigada izenekoak antolatu dituzte, hiru multzotan banatuta: artea, eraikuntza eta komunikazioa; eta
maiatzaren 8a arte eman daiteke talde horietan izena; baita Huts Uneak, Kontzertour eta Kontxa Gaumarket-en parte hartzeko ere.
Banaiz Bagarako kide Petra Elserrek azaldu du zer izango den
Hizkuntzen Gunea. “Hiriko hizkuntza aniztasuna ezagutzeko balioko du, Donostian 110 hizkuntza baino gehiago baititugu. Hizkuntzen arteko elkarbizitza landuko dugu, ezagutza eta parte hartzearen bidez”, azaldu du Elserrek. Hala, Banaiz Bagarak Hizkuntza Portaera Tailerra egingo du 11:00etan; eta, arratsaldean, Kataluniako Castellersak eta kantujira berezia izango dituzte, besteak beste.
Jarduera guztiak irekiak izango dira, baina batzuetarako aldez aurretik izena eman beharra dago. Informazio gehiagorako: 943 48 16 66 telefonora dei daiteke edo
olatutalka@donostia.eus posta elektronikora idatz daiteke.
