GuraSOS mugimendua errauste plantaren aurkako sinadurak biltzen ari da
Errauste plantak euren seme-alaben osasunean izango duen eraginak kezkatuta agiri bat atera dute.
Malen Aldalur
GuraSOS taldearen aurkezpena. (Argazkia: GuraSOS)
GuraSOS mugimendua sortu dute hainbat gurasok, errauste plantak euren seme-alaben osasunean izango duen eraginak kezkatuta. “Zuek bezalako guraso, aitona-amona eta osaba-izebak gara”, azaldu dute.
“Interes politiko eta ekonomikorik” gabe sortu dira: “Bakar-bakarrik gure seme-alabak babestu nahi ditugu”. Ideologia eta mundu ezberdinetako kideen elkarlanetik sortu da GuraSOS: “Elkartzen gaituena, gure txiki eta gaztetxoen osasuna babestea da”, azaldu dute.
Osasuna, da guraso talde honen kezka nagusia. Bi arrazoi nagusi azpimarratu dituzte kezka horren iturburu bezala:
Berriki Gipuzkoako agintarien Biodonostirekin batera hitzartu duten azterlan epidemiologikoa. Azaldu dute, azterketa honen behar soilak frogatzen duela “arrisku” baten aurrean gaudela.
Eusko Jaurlaritzak 30km-ko diametrodun eragin-eremu bat onartu izana. GuraSOS taldearen ustez, horrek adierazten du erraustegiak ingurumenean duen eragina: “Eragin-eremu horretan 200 hezkuntza-zentro daude, gurea eta zuena tartean. Donostiako ospitale-gunea eta Onkologikoa ere eragin-eremu honen barruan aurkitzen dira”.
Bestalde, azpimarratu dute Osasuna eta Errausketa Ikerketa Taldeak (OEIT) aurkeztutako “ebidentzia” zientifikoek ere “beldurtzen” dituztela.
Agiri bat osatu dute, eta jasotako atxikipenek Gipuzkoako Ahaldun Nagusiari eskatuko diote “prebentzio eta babes printzipioetan oinarrituz, errauste plantaren asmoa alde batera uzteko, osasuna guztiz bermatua ez dagoelako”. Horregatik, agiria sinatzeko laguntza behar dutela azaldu dute.
Jarrain, GuraSOS taldeak egindako bideoa:
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
