Marea laranja batek korrika egingo du Markel Jimenezen omenez

Minbiziaren ondorioz zendu zen Altzako haurra, 2014an; gaixotasunari buruz normaltasunez hitz egin eta informatzea nahi dute senide eta antolatzaileek.

Lide Ferreira

Altza

2016/05/17

Markelen lagun eta senideak, Eneko Goia alkatearekin eta Martin Ibabe zinegotziarekin. (Argazkia: Lide Ferreira)

I. Markel Txapeldun Memoriala aurkeztu dute gaur udaletxean. Izan ere, 2014an, minbiziaren ondorioz zendu zen Markel Jimenez altzatarra, lau urte zituela. Familia eta lagunek bere kasua baliatu nahi dute haur minbiziaren errealitateari ezagutzera emateko. Hala, egun osoko egitarau bat antolatu dute euren omenez. Ekainaren 5ean izango da, Altzan bertan. 6,7 kilometroko lasterketaz gain, bestelako jarduerak ere prestatu dituzte: haurrentzako jolasak, haur lasterketak mailaka, zozketak, eta abar. I. MARKEL TXAPELDUN OMENALDIA – EGITARAUA – EKAINAK 5

11:00etatik 13:00etara Harri Berri plazan (Kasares kultur etxearen aurrean): musika, buruhandiak, kamisetak, puzgarriak, haur jolasak eta txiba lehiaketa.
15:45 Harri Berri plazan: ongietorria eta oroimenaren aurkezpena Markelen aita eta amaren eskutik.
16:00 Harri Berri plazan: Aspanogi eta Bideginen informazio postua. Puzgarriak, masajistak eta haur lasterketak mailaka. Lasterketa bakoitza bukatzean Harri Berri eskolako patioan taldeko argazkia egingo dute mailaka.
- 0-3 urte: 50 metro.
- 4-6 urte: 100 metro.
- 7-9 urte: 200 metro.
- 10-13 urte: 400 metro.
- 14-15 urte: 1200 metro.
16:00 Harri Berri-Oletako patioan: haur tailerrak eta jolasak. Harri Berri-Oleta eskolako guraso elkarteak, elkarbizitza taldeak eta Astigarragako haur eskolak antolatzen dute.
17:15. Irteera Harri Berri plaza. Herri krosa 6,7 kilometro. Nik Markelengatik korrika egiten dut. Trintxerpe Kirol Elkarteak antolatutako lasterketa. Izen-ematea www.herrikrosa.eus-en edo egun berean 17:00ak arte.
18:30. Harri Berri plaza. Markelen gelakideek egindako omenaldia; kamiseten zozketa; Entresuperheroes liburuaren zozketa; sari banaketa.
19:00. Harri Berri plazan: agurra eta talde argazkia.