Amassorrain ikastolaren 50. urtemugaren bideoklipa egin dute
Añorgako ikastolak ospakizun jaialdia prestatzen ari dira ostiral eta larunbaterako.
50 urte igaro dira, adreilu horiek bizia hartu zutenetik… Mende erdia bete du Añorgako Amassorrain ikastolak, eta ospakizun handirako pretsatzen ari da. Bideoklip bat sareratu berri dute, eta bertan ikusten dira ikastolako haur eta irakasleak kantan eta dantzan. Izan ere, Añorgako Asgarth musika taldeak ere bat egin nahi izan du ikastolaren urtemugaren ospakizunarekin, eta Beñat Gaztelumendi bertsolariarekin batera, 50. urteurreneko abestia sortu dute. Kanta horretan oinarrituta egin dute bideoklipa.
Ostiral eta larunbaterako ospakizun jaialdi ederra prestatu du Amassorrain ikastolak. Larunbatean, besteak beste, ikasle ohien arteko olinpiadak antolatu dituzte, eta herri bazkaria egingo dute frontoian.
Erlazionatutako edukiaAmassorrain ikastolarentzat kanta bat egin du Asgarth taldeak
