Donostiako lehenengo liburu kolektiboan parte hartu nahi duzu?
Donostiari buruzko liburua idazteko deia egin dute; bilera egingo dute ostegunean, proiektua azaltzeko.
Donostiari buruzko liburu asko daude, baina Donostiapedia-k erronka zehatz bat du, egile gehien dituen Donostiari buruzko liburua egitea. Hau da, hiriari buruzko lehen liburu kolektiboa egitea. Edonork parte har dezake. Nahikoa da hiriari buruz duen informazioa Donostiapediarekin partekatzea: Kultura, arkitektura, historia, kirola… Edozein alorretan ekarpena egitea.
Egindako artikulu guztiekin liburu bat osatu eta argitaratuko dute urte bukaerarako, eta liburu hori oparituko diete bertan parte hartu duten guztiei. Maiatzaren 26an, osteguna, elkartuko dira Konstituzio Plazako udal eraikinean (18:30), lan egiteko modua zehaztu, eta proiektua azaltzeko. Bilera irekia izango da, eta denak izango dira ongi etorriak.
Erlazionatutako edukiaEgile gehien dituen Donostiari buruzko liburua osatu nahi dute
