Gipuzkoa plaza hartu dute berriro erraustegiaren eta elite politikoen aurka

Ertzaintzarekin tentsio uneak izan ostean Gipuzkoa plazara sartu eta asanbladarekin jarraitu zuten.

Malen Aldalur

2016/06/02

Gipuzkoa Zutik mugimenduak Gipuzkoa plaza hartu du berriro

Asanblada egin zuten Gipuzkoa plazara bidean. (Argazkia: Malen Aldalur)

Erraustegiaren eta elite politiko-ekonomikoen aurka Gipuzkoa plaza hartu dute berriro. Asteazken goizean udaltzainek plaza hustu ondoren, Bulebarreko kioskoa “okupatu” zuten Gipuzkoa Zutikeko kideek. Arratsaldeko 18:30etarako deitu zuten mobilizazioa Gipuzkoa Plazatik eta ehunka lagun inguru batu ziren. Asanblada baten ostean Gipuzkoa plazara bueltatzea erabaki zuten. Ertzaintza bidea oztopatzen saiatu arren, manifestazioak aldundiaren aurrera heltzea lortu zuen, eta bertan geratu ziren ehunka pertsona. Behin hara iritsita, bederatzi lantaldetan banatu ziren. Eguraldiagatik atzera bota behar izan zuten aurrez pentsatua zuten Liher taldearen kontzertua. Baina ertzainen eta udaltzainen artean desmuntatutakoa berreraikitzen bazuten lana. Izan ere, bertan pasa dute hirugarren gaua. Ostegunean, goizeko 8etan, “politikoak aldundira sartuko direla aprobetxatuz” kazerolada egin dutela jakinarazi du Gipuzkoa Zutikek sare sozialetan. Erraustegiaren aurkako mobilizazioen jarraipena egiten ari da IRUTXULOKO HITZA.

Azken bideoak