Zerbait bururatzen zaizue Porrontxo jaietako kartelerako?

Ekainaren 20a baino lehen bidali behar dira proposamenak.

Agurtzane Altuna

2016/06/03

Porrontxo eta Porrontxina, kalejiran. (Argazkia: Estitxu Zabala)

Abiatu dira auzoetako jaiak! Morlans eta Bidebietak bota dute txupina, eta Herrera eta Larratxo ere ate joka datoz. Uda ostekoek, ordea, badute denbora oraindik prestaketa lanetarako, eta horretan ari dira Egian, esaterako. Jaietako kartel lehiaketa jarri dute abian. Hiru dira kartelean derrigorrez atera behar duten elementuak: Porrontxo jaiak 2016, Egia, eta Irailak 10-18. 30×30 tamainan aurkeztu behar dira proposamenak. Ekainaren 20 izango da horretarako azken eguna. Arrano elkartera (Karmengo ama, 32 behea) bidali behar dira, edo posta elektronikoz, porrontxojaiak@porrontxojaiak.org helbidera. Ekainaren 22an egingo duten kuadrillen batzarrean aukeratuko dute kartel irabazlea. Bi lagunentzako afari bat izango da saria.