Aldundia eta Kutxa inguratuko ditu Gipuzkoa Zutikek

Egitarau oparoa antolatu dute aurrera begira.

Malen Aldalur

2016/06/10

Aldundia eta Kutxa inguratuko ditu Gipuzkoa Zutikek

Asanblada Bulebarrean. (Argazkia: Malen Aldalur).

Aldundia eta Kutxa inguratuko ditu arratsaldeko 19:00etan Gipuzkoa Zutik mugimenduak “gutxi batzuen interesak defendatzen dituztenen aurka eta bizitzaren alde”. Maiatzaren 29an abiatu zuten mugimendua eta bizirik jarraitzen du oraindik. Bulebarrean kanpatuta daude eta egunero egitarau oparoa antolatzen dute: kontzertuak, hitzaldiak, ekintzak eta mobilizazioak, besteak beste. Asteburu indartsua dute aurretik. Ostiralean, aldundia eta Kutxa inguratzeaz gain, 17:00etan Zigor Etxabururen hitzaldia egongo da: “Aldundi honen plana neoliberalismoa eta euskara”; 18:00etan borroken bateratzea egingo dute eta, azkenik, asanblada. Larunbatean, performancea egingo dute 10:00etan; 10:30etan eta 12:30etan solasaldiak, “Herri mugimenduak eta musika eszena” eta “Herri mugimenduak eta kultura eszenak musikatik harago”; 18:00etan borroken bateratzea, ondoren, asanblada; eta egunarekin amaitzeko gaueko martxa. Igandean, berriz, “Eslogan politikoak eta poetikoak” ikastaroa antolatu dute Koldo Izagirrerekin; 18:00etan lurralde antolaketaren inguruko hitzaldia DOT Desazkundea taldeko lagunekin, ondoren, asanblada; 20:00etan borroken bateratzea, eta 22:00etan Revival. Hurrengo astetik aurrerako egitaraua ere prestatu dute:

class=”author-g-ixderqsvu8or5loe u”>Ekainaren 13a (astelehena):

class=”author-g-e6z122zeejehoik2iv6u”>- 17:00 “Askatasunaren hiria” jolasetan

– 17:00 Kontzertua: Pelax + Joseba B. Lenoir

– 19:00 Asanblada

– 22:00 Bideo emanaldia

Ekainaren 14a (asteartea):

– 17:00 serigrafia, txapak, memeak, plantillak… Ekarri kamisetak!

– 17:00-19:00 Hitzaldia: “Erraustegiaren eredu energetikoaren iruzurra” Gorka Bueno EHUko irakaslearekin

– 19:00 Asanblada

– 22:00 Elikadura: landaketa

Ekainaren 15a (asteazkena):

– 17:00-18:00 Eraikuntza lanetan ari gara dinamikaren aurkezpena