Intxaurrondokoek bi aukera izango dituzte San Joan bezpera ospatzeko

Bernat Etxepare plaza eta Intxaurrondo Zaharreko gaztetxe ingurua piztuko dute.

Lide Ferreira

2016/06/21

Dantzariak, Intxaurrondoko San Joan bezperan. (Argazkia: Ipar Haizea elkartea)

Urtero bezala, Intxaurrondok egitarau zabala izango du San Joan bezpera ospatzeko. Gainera, auzotarrek bi tokitara joateko aukera izango dute: Intxaurrondo Zaharreko gaztetxera eta Bernat Etxepara plaza. Lehenengoan, 20:00etan hasiko dute festa, musika eta sardina jatearekin. Ondoren, 22:00etan, sua piztuko dute. Bernat Etxeparen, berriz, 17:00etatik aurrera haur jolasak, tailerrak, txokolate jatea, dantza, antzerkia, berbena eta zezen suzkoa bezalako jarduerez gozatuko dute Intxaurrondokoek. INTXAURRONDO | SAN JOAN BEZPERA | EKAINAK 23 | Bernat Etxepare plaza

17:00. Txalaparta eta adarra.
17:10. Traka.
17:15. Haur jolasak eta tailer ezberdinak: txalaprta, henna, trentzak.
17:45. Txokolate jatea.
18:00. Loreak taldea: dantza latinoak.
18:10. Kalejira hankapalo eta buruhandiekin, Kaña 2kaña trikitilariak.
18:30. Kale antzerkia: Tomax eta Muxugorriren Hiru ipuin, hamaika irri.
19:30. Festara abesbatza.
20:00. Sardina jate herrikoia.
20:00. Berbena, Estanga taldearen eskutik.
22:00. San Joan sua eta plazako dantzak inguruan.
22:30. Berbera, Estanga taldearen eskutik.
23:00. Zezensuzkoa.
23:15. Bukaerako traka.

San Joan sua nola ospatuko dute beste auzoetan? Auzo guztietako informazioa biltzen ari da IRUTXULOKO HITZA.