Elkarrekin Ahal Dugu da boto gehien jaso dituen alderdia Donostian

EAJ eta PSE-EE geratu dira bigarren eta hirugarren postuan, Espainiako Gorteetarako hauteskundeetan.

Malen Aldalur

2016/06/26

Elkarrekin Ahal Dugu da boto gehien jaso dituen alderdia Donostian

Nagua Alba, Isabel Alba eta Lolo Rico Antiguan. (Argazkia: @PodemosDonostia)

Espainiako Gorteetarako hauteskundeetan, Elkarrekin Ahal Dugu izan da Donostian boto gehien jaso dituen alderdia, EAJ eta PSE-EEren aurretik. Botoen %28,29 lortu ditu Elkarrekin Ahal duguk: Gainontzeko alderdiak honela geratu dira: EAJ, %21,46; PP, %15,52; PSE-EE, %15,40; EH Bildu, %12,02; Ciudadanos, %4,96; eta bestelakoak, %1,52. Parte hartzeak behera egin du Donostian, %68,79koa izan da; iaz, berriz, %72,68koa. Podemosek irabazi zituen iaz ere Espainiako Gorteetako azken hauteskundeak, 27.478 botorekin. Gainerako alderdiak honela geratu ziren: EAJ, 22.890; PSE-EE, 15.062; PP, 14.812; EH Bildu, 14.476; Ciudadanos, 6.348; eta Orain Batera, 3.296. Normaltasuna nagusitu da Espainiako Gorteetako hauteskundeetan. Eguneko bitxikeria izan zen Odon Elorza hautetsontziz nahastu zela botoa ematerakoan. Donostiako auzoetako eta herrietako emaitzak biltzen ari gara hemen.