Larrialdietarako oinarrizko ezagutzak ikasteko aukera egongo da 'Konparte' egitasmoaren barruan

Ezagutza elkarbanatzeko egitasmoa abiarazi zuten apirilean Loiolako Erriberan.

Irutxuloko Hitza

2016/06/28

Larrialdietarako oinarrizko ezagutzak ikasteko aukera egongo da ostegunean Loiolako Erriberan

Jordi Grimau jokalaria eta Lolo Encinas entrenatzailea. (Argazkia: Malen Aldalur)

Loiolako Erriberan ezagutza elkarbanatzeko egitasmo bat abiazi zuten apirilean: ‘KonParte’. Hilean behin auzotar batek gainerakoei bere ezagutza eta abileziak transmititzean datza. Ostegunean, larrialdietarako oinarrizko ezagutzak ikasteko aukera egongo da Jon Zabaleta medikuarekin. Arratsaldeko 19:30etan izango da ikastaroa eta gehienez hogei pertsonak hartu dezakete parte, bestalde, familia bakoitzetik bi baino gehiagok ezingo dute izena eman. Ikastaroan parte hartzeko mezu bat idatzi behar da asociaciondevecinos@riberasdeloiola.org helbidera. Apirilean hasi ziren egitasmoarekin eta dagoeneko hiru hitzaldi egin dituzte: Javier Santos, ingeniari industriala eta TECNUN-eko irakaslea izan zen lehenengo hizlaria eta aurkezpenak egiteko teknikak erakutsi zituen; maiatzean, Gipuzkoa Basquet Klubeko-ko Jordi Grimau jokalaria eta Lolo Encinas entrenatzailearen laguntzailea kirolaz arituko ziren; eta azkenik, ostegunean Jon Zabaletak hitz egingo du larrialdietarako oinarrizko ezagutzez.