Uztailaren 4tik 9ra egingo dute futbol txapelketa; Gipuzkoako 30 zelaietan.
Donosti Cup txapelketaren aurkezpena, Txillida Lekun. (Argazkia: Donosti Cup)
Aurreko urteetako marka gainditu du berriro ere
Donosti Cup-ek. Hain zuzen ere, 25. urteurrenarekin, 25 herrialdetatik etorritako 500 taldetik gora hartuko dute parte txapelketan. Erdia baino gehiago, Euskal Herritik kanpokoak izango dira. Partaide kopuru horrek laugarren postuan jarri du hiriko txapelketa, Gothia, Norway eta Helsinkyren atzetik. Futbol partida guztiak Gipuzkoa osoko 30 zelaietan jokatuko dira. Bertan, Gipuzkoako Futbol Epaileen Biltzar Teknikoko kideak eta atzerritik etorritako beste 40 epaile izango dira txapelketan.
Atzerriko taldeen artean, Frantzia eta Ameriketako Estatu Batuetakoak dira jendetsuenak, herrialde bakoitzak 49 talde ekarriko baititu Donostiara. Baina badaude beste toki askotako taldeak; tartean, Hegoafrika, Suedia, Frantzia, Feroe uharteak, Kanada, Mexiko, Argentina, Kolonbia, Txina, Dubai, India eta Kongo.
Emakume gehiago
Bestalde, aurreko urteetan bezala, gonbidatutako bi talde ere egongo dira hirian, biak emakumez osatutakoak: Indiako Yuwa taldeak bigarrenez hartuko du parte txapelketan; eta Etiopiako Wukroko Aita Olaranen misioko taldea.
Hala, 25. ekitaldian gainditu den beste marka bat izan da emakumezkoen taldeen presentzia. Aurten, orotara, 108 talde egongo dira. Horietatik nabarmentzea da Parisko Saint German taldea, aurreko urteetan mutilekin soilik parte hartu izan duena, hain zuzen ere.
