Zipotz Txiki eguna ospatu dute Grosen
Zipotz Txiki eguna ospatu dute lehen aldiz Grosen. Datorren astean hasiko dira jaiak, baina asteburuan jada motorrak berotzen hasi ziren. Jai batzordeko kideek egun osoko egitaraua antolatu zuten, auzoan jaietarako gogoa piztu eta jende berria erakartzeko asmoz: “Askotan kosta egiten da jai batzordera lehenengo aldiz hurbiltzea eta Zipotz Txiki jaiak hori erraztu nahi du”, azaldu dute. Izan ere, “giro goxoago” eta “seguruago” batean emango diote hasiera jaiei: “Horrela, jende berriari ongietorria ematea ere errazagoa da”.
