Lehertu da festa Grosen

Ostegunean hasi eta igandera arte iraungo dute jaiek.

Malen Aldalur

2016/07/14

Zipotz eta Legami. (Argazkia: Malen Aldalur)

Lehertu da festa Grosen. Zipotz jaiei hasiera eman diote ostegun arratsaldez txupinazoarekin. Ume eta heldu batu dira Txofre plazan Zipotz eta Legamiri ongietorria emateko. Aurten, Zurriola ikastola omenduko dute eta oroigarria eman diete txupinazoaren aurretik, “euskara, euskal kultura eta parte hartzea sustatuz, auzoa girotzeagatik”. Ondoren, buruhandi eta erraldoiak auzoko kaleetan barrena ibili dira jai giroa zabaltzen. Zurriola ikastolaz gain gogoan izan dituzte azken hilabeteetan jaiak antolatzen ibili direnak ere. Datozen egunetan adin eta gustu guztietarako ekitaldiak bildu dituzte Groseko jaiek: kontzertuak, danborrada, marmitako lehiaketa, kalejirak, poteoa, graffitiak, bertsoak, herri kirolak, haurrentzako jolasak, surfa…