Aste Nagusiko ekitaldietan euskararen erabilera neurtu nahi duzu?

Aste Nagusiko ekitaldietan euskararen erabilera neurtzeko jendea behar du Bagera Elkarteak.

Irutxuloko Hitza

2016/08/09

Aste Nagusiko ekitaldietan euskararen erabilera neurtu nahi?

Aste Nagusiko pankarta bat. (Argazkia: Izarne Zelaia)

Donostiako Udalak antolatzen dituen jaialdietan euskararen erabileraren neurketa egiten du Bagera Elkarteak, eta aurten neurketa egiteko laguntza eskatu du: “Jarduera ugari antolatzen dira Aste Nagusian eta horietan euskarari ematen zaion trataera aztertu nahi dugu”. Horretarako, herritarren laguntza behar dute. Egin beharrekoak: 1. Aste Nagusiko jardueren zerrenda begiratu eta aukeraketa egin. Aukeraketa errazte aldera hiru modutan sailkatu dituzte. Egunaren arabera: abuztuak 13, abuztuak 14, abuztuak 15, abuztuak 16, abuztuak 17, abuztuak 18, abuztuak 19, abuztuak 20. Auzoka: Aiete, Altza, Amara Berri, Amara, Antigua, Donostiako badia, Bidebieta, Egia, Erdialdea, Gros, Loiola, Parte Zaharra eta Zuatzu. Jarduera motaren arabera: antzerkia, Azoka, Folklorea, hainbat, haurrak, kirola, lehiaketa, musika, suak, zinea. 2. Bagera Elkartearekin harremanetan jarri (bagera@bagera.eus / 943005074) zein jarduera ikusiko dituzun zehazteko. 3. Ikusten dituzun ekitaldietan zein hizkuntza erabili den kontuan hartu eta fitxa bete. 4. Behaketa fitxa Bagera Elkarteari helarazi: posta elektronikoz (bagera@bagera.eus) edo posta arruntez (Bagera Elkarte, Hernani kalea 15, behea. 20004 Donostia). Abuztuaren 12a izango da izena emateko azken eguna, eta izena ematen dutenen artean abuztuaren 19an ‘Bi izarren kalentura’ antzezlanerako 4 sarrera bikoitz zozketatuko dituzte.