2.400 piratek hartu dute Donostia

Aste Nagusi pirataren ekitaldirik jendetsuenak 300 txalupa bildu ditu.

Lide Ferreira

2016/08/15

Goizeko muntaketa lanetan euri pixka bat egin duen arren, eguraldi eguzkitsua iragarrita zegoen abordatzearen egunerako, eta halaxe izan da. Zuloaga plazako bazkari herrikoian indarrak hartu, eta zertxobait freskatu ostean, Kairuntz abiatu dira parte hartzaile ugari. Orotara, 2.400 piratek hartu dute Kontxako badia, 300 txalupetan. Hala, giro ederra sortu da ibilbidean, eta txalupa asko bidean geratu dira. Izan ere, lehenengo unetik jende andana flotagailuarekin, igerian edo besteen txalupak abordatuz heldu behar izan da helmugara. Bertan, harrera egin diete bainatzen eta eguzkia hartzen ari ziren guztiak, baita pasealekuan begira ibili direnak ere.

Erlazionatutako edukiaPiratak hasi dira Donostia abordatzeko prestatzen