Leire Canok egingo du gaurko txio kronika

admin

Leire Cano.

Leire Canok egingo du gaur, ostirala, Irutxuloko Hitzaren #AsteNagusia2016 txio kronika! Aste Nagusiko zazpigarren egunaren kontakizuna egingo du. Bart ez du galdu Willis Drummonden kontzertua La Flamenkan, eta zuzeneko indartsuari buruzko txio batekin estreinatu du bere kronika. Goizean, ordea, lanera itzuli da, Musika Hamabostaldiaren prentsa bulegora. Txioz txio Musika Hamabostaldiaren egun bat nolakoa den kontatzen ari da, eta bidean topatzen dituen bitxikerien berri ere bai, noski! Mikel Pagadik, Jon Pagolak, Aiora Mujikak, Marina Landak, Mikel Saldisek eta Aitor San Franciscok egin dituzte Aste Nagusiaren lehen sei egunetako kronikak. Iragarri bezala, Aste Nagusian sare sozialak astintzeko prest dauden txiolariak izango ditugu lagun. Izan ere, Berriak sanferminetan erabili zuen #sfk16 9×9 txio kronikaren eredua bereganatu eta Donostiako #AsteNagusia2016-ra moldatu dugu IRUTXULOKO Hitzan. Leire Canoren ondoren, Ane Fernandez eta Hiru Damatxo-ko kideak izango dira hurrengo txiolariak. Tweets by CanoLeire