Porrontxo eta Porrontxina iritsi dira Egiara!

Malen Aldalur

2016/09/15

Porrontxo eta Porrontxina iritsi dira Egiara!

Mozorrotuta hasi dituzte Porrontxoak. (Argazkia: Malen Aldalur)

Egiako bizilagunak jaietan daude igandera arte. Arratsaldeko 5.30etan hasi dute festa ofizialki haurren jaitsierarekin. Izan ere, lehengo astetik dabiltza festa giroan. Porrontxorekin eta Porrontxinarekin batera kalejiran pozik jaitsi dira haur eta helduak eskutik helduta leihoetara hurbiltzen ziren guztiei ura eskatuz. Bustialdi ederrak hartu dituzte batek baino gehiagok. Ondoren, haurrentzako Sardiña Prexkue ikuskizuna eskaini dute Plaza Haundin. Batera eta bestera ibili dira umeak sardina bila. Haurren etxeratzeko ordua hurbildu ahala, gazteak azaldu dira plazara; kuadrilla handietan eta mozorrotuta. Arratsaldeko 20:00etan Tabakalera inguruan elkartu eta txupinazoa bota dute Trebeska Dantza Taldeko kideek. Danbatekoarekin batera dantzan hasi dira auzotarrak. Festa hasi besterik ez da egin. Musikaren erritmora auzoan gora egin dute jaietako lehenengo gaua indartsu hasteko. Datozen egunetarako ere egitarau oparoa prestatu dute. EGITARAUA Osteguna, irailak 15

16:45. Trikitilariak, Aldakoenea egoitzan.
17:00. Buruhandi eta erraldoiak.
17:30. Haurren Jaitsiera.
18:00. Haurrentzako Sardiña Prexkue ikuskizuna. Plaza Haundin.
20:00. Pregoia eta txupina. Ondoren, Kuadrillen Igoera.
22:00. Karaokea eta karrozen lehiaketa.
22:30. Gozo gozo taldearen emanaldia.
22:30. Baldarrak txaranga.
00:30. Kuadrillen jolasak, Plaza Haundin.