Porrontxo jaiak bukatu dira, eta badakigu Egiakoak triste samar daudela, urtebete falta delako berriz festetan murgiltzeko. IRUTXULOKO HITZAk aurtengo Porrontxo jaiak ez ahazteko oroigarri bat prestatu du jaietako argazki bilduma baten bidez. Etxean gordetzeko, logelako paretan zintzilikatzeko, laneko mahaian jartzeko… Egun grisak kolorez jantzi eta porrontxo jaiekin gogoratzeko oparitxo bat da. Egian banatuko dugu aste honetan: Linazasoro optika, Indo harategia, Mendizabal estankoa, Garraxi taberna, Apal denda, Egiako kiroldegia, Baztarre taberna, Ogiberri 1933, Tahona, Egia kultur etxea eta Txondorra gunean eskuratu ahal izango dituzue oroigarriak.
