(Bideoa) Bizikleta martxa batek hartu du hiria
Autorik gabeko eguna ospatzeko eta Mugikortasun Asteari amaiera emateko ehunka gaztetxo bildu dira Alderdi Ederren.
Irailaren 16tik ospatzen ari diren Mugikortasun Iraunkorraren Europako Asteari amaiera emango diote gaur. Bada, hiriko hainbat ikastetxetako gaztetxoak elkartu dira Alderdi Ederren, eta bizikleta gainean ospatu dute autorik gabeko eguna. Arratsaldean, 17:00etatik 20:00etara, bizikleta zaleen askaria egingo dute Alderdi Ederren bertan, Kalapieren eskutik.
Aste osoan zehar, udalak hainbat jarduera antolatu ditu; hala nola, patinetan ibilaldiak, errepidean bizikletan nola ibili jakiteko ikastaroa eta bizikleta konpontzeko tailerrak. Donostian garatuko den egitarauak elkarte eta erakunde ezberdinen babesa eta elkarlana izan du, besteak beste, Cristina Enea Fundazioa, Dbus, Bizikletaren Behatokia, Kalapie Hiriko Txirrindularien Elkartea, Donosti Roller eta Donostia 2016.
