Lanpostu berriak sortuko ditu udalak, 55 urtetik gorakoentzat

Estitxu Zabala

2016/10/11

Hiriko estolderiaren mantentze lanetan aritzen diren langileetako batzuk. (Argazkia: Agurtzane Altuna)

Lanpostuak sortzea adostu du Tokiko Gobernu Batzordeak, 55 urtetik gorako lagunentzat. Guztira, 47 lanpostu izango dira, eta Lanbideren deialdi baten barnean daude, tokiko ekintzetako enplegua sustatzeko laguntzena, hain zuzen. Udalak jakinarazi duenez, abenduaren 1a baino lehen egingo dituzte kontratazioak. Lanpostu hauek izango dira:

Ikuskaritza-laguntzailearen lanak, hainbat instalaziotan
Hiriko eta instalazioetako mantentze-lanak; hondakinen eta bide garbiketen ordenantza betetzen dela ziurtatzeko zaintza-lanak
Ur eta saneamendu instalazioen mantentze lanak
Hileta-zerbitzuetako mantentze lanak
Hiri mantentze eta zerbitzuetarako udaleko sailetan administrazio kudeaketako lanak
Parke eta lorategietako mantentze lanak