Kutxa Ekoguneko baratze parkean lursail bat eskatzeko epea ireki dute

Agurtzane Altuna

2016/10/26

Kutxa Ekoguneko baratze bat. (Argazkia: Ekogunea)

Ekoguneko Baratze Parkean sortzen diren bajak betetzeko itxarote poltsan izena emateko epea irekita egongo da urriaren 19tik azaroaren 30a arte. Hauek dira lursail motak, prezioak eta erabiltzaileen baldintza nagusiak: 30 metro kuadroko lursaila: 15 euro hilabetean. 60 metro kuadroko lursaila: 25 euro hilabetean. Behar bereziak dituzten pertsonentzako lursail egokituak: 10 euro hilabetean. Ekoguneko Baratze Parkeko lursail bat eskuratzeko bete beharreko baldintzak: -Donostia, Lasarte edo Hernanin erroldatuta egotea. -Beste baratze bateko erabiltzaile den bizikidetza unitateko kidea ez izatea. -Eskatzaileak edo bizikidetza unitateko beste kide batek Donostian, Lasarten edo Hernaniko herrietan nekazaritzarako egokia den lursailik ez izatea, ez jabetzan, ez gozamen eskubidez ezta arrendamenduan ere. -Kutxabank-eko bezeroa izatea.