Azken zazpi egunetako albiste irakurrienak

Irutxuloko Hitza

2016/10/27

IRUTXULO.HITZA.EUS webgunean, honakoak azken zazpi egunetan bisita gehien jaso dituzten albisteak. ‘Sonido Vegetal, Physis Versus Nomos, Txemak eta DJ Miau izango dira Kortxoenearen aldeko jaialdian’ Groseko gaztetxea eraitsi zutenetik urtebete izango da azaroaren 3an. Gaur musika jaialdi bat egingo dute Dokan, eta bertan bildutako dirua Kortxoenearen auziak eragindako gastuak ordaintzera bideratuko dute. «Gure etxean babesa, kabia eta maitasuna ematen diegu» Loiolako La Salle ikastetxeko irakaslea da Periko Alkain. Aspalditik zuen buruan misiolari gisa joatea, eta azken bi udak Boli Kostan egin ditu, hango haurrei laguntzen, Akwaba etxean. Elkarrizketa egin genion joan den astean, eta harrera bikaina izan du webguneko irakurleen artean. ‘Añorga eredu izango da kirolean euskara sustatzeko’ Metodologia berri bat jarri dute abian kirol eremuan euskararen erabilera sustatzeko: KEES, Kirol Entrenamenduetan Euskara Sustatzeko metodologia. Añorga Kultura eta Kirol Elkartean garatu dute egitasmo pilotua 2015-2016 denboraldian, Ekin kirol enpresaren bitartez. Hainbat urrats definituz, hizkuntza ohiturak finkatzeko lagungarri izan nahi du egitasmo honek. «Urtebetera inor agertzen ez bada ere, utzi egingo dut» Inor gutxi egongo da Añorgan bera ezagutzen ez duena. Sei urte bete ditu jada Añorgan Kirol eta Kultur Elkarteko kide gisa, eta hainbat arrazoi tarteko, kluba uztea erabaki du Eneko Sierrak (Ibaeta, 1982). Hasieran Kultur arduradun gisa bi urte egin zituen, eta ondoren, beste bi urte, presidente postuan. Gaur argitaratu dugun elkarrizketaren aurrerapenak bisita asko izan ditu webgunean. ‘Erretinosi pigmentarioa ezagutzera emateko elkartasunezko ekitaldia’ Gaixotasuna ezagutzera ematen eta kanpaina zabaltzen lagundu nahi duzu? Donostian elkartasunezko ekitaldi bat egingo dute azaroaren 1ean. Kontxako erlojuetan elkartuko dira 11:00etan. «Azterketa serioak egin behar dira, sekulako arriskua dagoelako» Altzako kiroldegiko lanak atzeratu egin dituzte, hango lurretan espero baino amianto gehiago topatu dutela eta. Jesus Uzkudunek ezagutzen ditu halako kasuak, eta gaiaren inguruan elkarrizketatu genuen.

Erlazionatutako edukiaSonido Vegetal, Physis Versus Nomos, Txemak eta DJ Miau izango dira Kortxoenearen aldeko jaialdian