Loiolako 'X espedienteak'
Loiolan ba al da argitu gabeko misteriorik? Auzotarrek baietz uste dute, eta horien bila atera dira. Auzolanean “sasi-dokumental bat” grabatu dute, eta benetako gertakizunetan oinarrituta dagoela diote. Oraingoz trailerra zabaltzen hasi dira. Laster ikusi ahal izango dugu Loiolako X espedienteak ikus-entzunezkoa. Auzoko gertakari misteriotsu horien gidoia idazteaz arduratu da Mikel Pagadi gidoilaria. Abenduaren 2an, ostiralean, estreinatuko dute, Loiolako kultur etxean, 19:00etan.
